Tveir smittutilburðir í gjár


Tveir nýggir smittutilburður vórðu staðfestir í gjár. Tað vísa nýggjastu tølini hjá Landslæknanum.



Í báðum førum er talan um persónar, ið eru komin til Føroya úr øðrum londum. Tey smittaðu er avbyrgdur, og Landslæknin er í gongd við smittusporingina.



Í gjár vórðu 707 kanningar gjørdar, og allar kanningarnar eru liðugt greinaðar. Í alt eru 143.379 kanningar gjørdar.



Tilsamans hava nú 482 persónar fingið staðfest smittuna í Føroyum. Í alt eru 471 persónar staðfestir frískir aftur, og sostatt eru 11 persónar smittaðir í løtuni.



Eingin er í løtuni innlagdur á Sjúkrahúsverki Føroya í sambandi við coronasmittuna.