11 nýggir tilburðir


11 nýggir smittutilburðir vórðu staðfestir í gjár. Tað vísa nýggjastu tølini hjá Landslæknanum. Úrslitið byggir á í alt 119.432 kanningar.



Allir persónar eru smittaðir í Føroyum, og flestu tilburðirnir hava samband við aðrar staðfestar tilburðir. Tey smittaðu eru avbyrgd, og Landslæknin er í gongd við smittusporingina, sum er sera víðfevnd. Í gjár vórðu 3581 kanningar gjørdar.



Tilsamans hava nú 448 persónar fingið staðfest smittuna í Føroyum. Í alt eru 414 persónar staðfestir frískir aftur, og sostatt eru 34 persónar smittaðir í løtuni.



Eingin er innlagdur á Sjúkrahúsverki Føroya í samband við coronasmittuna.



Heilsumálaráðið tann 22. september 2020 kl. 11:02