Húsahagi verður stongdur

vinna12-09-2020 - 11:33 - Jóanis Nielsen
Óviðkomandi bilferðsla verður ikki longur loyvd í Húsahaga

Eftir 1. oktober verður ikki longur møguligt hjá ørindaleysum at koyra við bili niðan í Húsahaga, har eitt nú vindmyllulundin hjá SEV er staðsett. Bummur verður settur fyri við byrjanina av vegnum, sum førir niðan í hagan, soleiðis at bert tey, ið hava arbeiðsørindi í haganum, sleppa niðan.

Avmarking av atgongdini til hagan var partur av uppruna avtaluni um hagan við Búnaðarstovuna, og hetta stig verður so tikið nú, fyri at avmarka ørindaleysari ferðslu í økinum.