Nýggjastu


Heimsins fyrsta marknaðarføringsskipan til fiskivinnuna

Vinna28-10-2020 - 23:34 - Jóanis Albert Nielsen

Føroyska fyritøkan, Fishfacts, hevur í dag kunngjørt heimsins fyrstu marknaðarføringsskipan til fiskivinnuna. Framløgan var varpað beinleiðis á netinum til hyggjarar og fyritøkur í sjey londum

-Vit sóu beinanvegin, tá korona gjørdi um seg, at vit vórðu noyddir at hugsa øðrvísi, sigur Hanus Samró, partaeigari og sølustjóri.

Við nýggju marknaðarføringsskipanini kunnu tænastuveitarar fara málrættað til verka. Teir kunnu velja millum lond og fiskiskapir, men teir kunnu eisini útihýsa kappingarneytarnar.

- Eitt línuskip er kanska ikki áhugað at lesa um nýggjastu tøknina til pelagisk skip. Eitt pelagiskt skip er møguliga ikki áhugað at lesa um nýggjastu útgerðina til botnfisk. Við skipanini fáa línuskip tíðindi til línuskip, pelagisk til pelagiskt, og frysti trolarar fáa tað, ið eru viðkomandi fyri frysti trolarar osfr.


[youtube=http://www.youtube.com/watch?v=icNqWKz43Yg&feature=youtu.be]