Garnaskipið Gudrun hevur drigið gørnini inn

vinna22-03-2020 - 11:00 - Jóanis Nielsen

 Garnaskipið Gudrun hevur havt góðan fiskiskap, men teir hava nú drigið gørnini inn.

Vit tosaðu við skiparan Kristin Vilhelmsen í morgun, hann  segði, at fiskiskapurin hevur verið góður, hann segði, at teir seinastu 17 dagarnar høvdu teir fiskað 55.000 pund av havtasku, men nú í hesum corona-tíðum ber ikki til at útflyta feska havtasku  til keypararnar uttanlanda, tí valdu teir at gevast nú - spell tá fiskiskapurin er góður, men soleiðis má tað verða helt Kristin fyri.