Fyrilestur við Jógvan Fríðriksson bispi, í Kelduni

mentan14-05-2018 - 22:00 - Jóanis Nielsen

Árligi limafundurin hjá Føroyska Bíbliufelagnum verður týskvøldið 15. maj kl. 19:30 í Kelduni í Skálabotni.

 Byrjar verður við andakt og síðani er skráin sambært viðtøkum felagsins. 

Aðalskrivarin greiður frá virkseminum hjá Bíbliufelagnum. 2017 var eitt søguligt ár, m.a. tí Bíbliufelagið útgav Nýggja Sáttmálan, ið er fyrsta nýggjatestamenti á gerandisføroyskum. 

Greitt verður eisini frá fíggjarligu gongdini og hvørjar ætlanir Føroyska Bíbliufelagið hevur famyvir. 

Teir yvir 400 limirnir fáa eisini møguleika at koma við spurningum og viðmerkingum til arbeiði hjá felagnum. 

Kl. 20 hevur Jógvan Fríðriksson bispur ein sera áhugaverdan fyrilestur undir heitinum “Samskiftið millum systrar og brøður”. 

Møguleiki verður at seta spurningar og koma við viðmerkingum. 

Øll eru vælkomin! 

Nýgggir limir kunna tekna seg á fundinum ella á heimasíðu felagsins: www.biblia.fo