Flogbóltur: Bólkafinalan stroymað í dag

ítróttur27-06-2017 - 16:23 - Jóanis Albert Nielsen

Klokkan 16,30 í dag skal manslandsliðið í flogbólti royna seg ímóti Álandi, og hesin dysturin verður avgerðandi fyri, hvørjum Føroya skal spæla hálvfinalu ímóti.

Bæði liðini hava higartil vunnið sínar dystir 3-0, men tað týdningarmesta er, at vinna dystin í dag, so ein ikki møtir Saarema í hálvfinaluni, tí hetta liðið hevur undanfarnu oyggjaleikir verið tað sterkasta í mansflogbólti.

Bárður B. Mikkelsen sigur í samrøðu, at hann metir, at um Føroyar fáa sítt spæl at koyra, so eigur liðið at vinna dystin í kvøld. Serliga um Føroyar fáa álopsspælið at rigga.

Bólkafinalan í dag verður kl. 16,30 og kann síggjast her:

https://www.facebook.com/Flogb%C3%B3ltssamband-F%C3%B8roya-799547606794840/

Rás 2 hevur eisini boðað frá, at teir eisini hava beinleiðis frásøgn frá dystinum.