Eyðvør Klakstein í samrøðu við FSF Varpið - Mynd: www.fsf.fo

Eyðvør: Skulu útnytta teirra feilir

ítróttur14-09-2017 - 07:38 - Jóanis Albert Nielsen

FSF Varpið: Eyðvør Klakstein hevur sína dagligu gongd í Spania, men í hesum døgum er hon í Føroyum og fyrireikar seg til landsdyst ímóti Kekkia.

- Tað er altíð stuttligt at koma heim til Føroyar at spæla landsdyst, og tað er ordiliga deiligt at vit kunnu vera samlaðar í nakrar dagar áðrenn dystin. Av tí sama blíva fyrireikingarnar nógv betri, sigur Eyðvør Klakstein í samrøðu við FSF Varpið.

Hóskvøldið klokkan 19:00 fer føroyska A-landsliðið við kvinnum á vøllin aftur. Fyrsti dystur í undankappingini til HM 2019 er á skránni, og mótstøðuliðið er Kekkia.

- Tær eru nokk eitt vet betri enn Turkaland, men eg haldi vit hava ein kjans, sigur Eyðvør við FSF Varpið.

Tað er ókeypis atgongd til kvinnulandsdystin millum Føroyar og Kekkia.

Undir venjingini týsdagin fekk FSF Varpið orðið á Eyðvør Klakstein. Øll samrøðan kann síggjast her.

[youtube=http://www.youtube.com/watch?v=wSVGZHArAfw]